Почитувани,
Со задоволство ве информираме дека Македонската асоцијација за човечки ресурси оваа година ќе биде национален партнер на HR World од Србија, во рамките на организирањето и спроведувањето на HR програмата насловена како “HR Starter”.
Ако имате аспирации да работите во човечки ресурси и сакате дa развиете вештини за иновативен пристап кон човечките ресурси пред да стапите во работна организација, “HR Starter” е местото што треба да бидете!
Од 16 март до 28 април ве очекуваат многу возбудливи предавања и задачи, заедно со менторски состаноци и локални и меѓународни средби.Оваа програма со времетраење од шест седмици е посветена на сите ентузијасти за човечки ресурси кои во моментов се запишани на последна година од дипломски или магистерски студии или неодамна дипломирани студенти, без оглед на факултетот или универзитетскиот оддел!
Програмата е целосно бесплатна - единствениот услов е да имате одлично владеење на англиски јазик, да бидете мотивирани и да можете да посветите време за присуство на целосната програма.
Не пропуштајте ја можноста да научите од 40 искусни HR професионалци од цела Европа, да се поврзете со потенцијални идни колеги и да разговарате за трендовите на човечки ресурси со други студенти и реномирани HR професионалци, на следниве теми:
· HR is a strategic function;
· Recruitment & Selection;
· Employee Development;
· People Analytics & HR Tech;
· HR & Transformation;
· Future of HR.
Повеќе информации околу програмата можете да најдете на следниов линк.
Доколку сакате да бидете дел од програмата, Ве замолуваме да ја пополните апликацијата, која можете да ја најдете на следниов линк.
Програмата е отворена за 20 учесници/студенти од С. Македонија, така да побрзајте со Вашето пријавување!
Ве очекуваме на “HR Starter”2021 година...