Македонската Асоцијација за Човечки Ресурси ја одржа својата 12 Меѓународна Конференција насловена "Future fit organizations: Proactive HR".

Македонската Асоцијација за Човечки Ресурси ја одржа својата 12 Меѓународна Конференција насловена "Future fit organizations: Proactive HR". Конференцијата се одржа на 3-ти и 4-ти декември 2020 година и поради кризата предизвикана од КОВИД-19, истата за прв пат се одржа во онлајн формат. Дводневната богата програма на конференцијата, што ја проследија околу 300 учесници во два дена, опфати повеќе од 20 истакнати говорници, потврдени HR професионалци, универзитетски професори и експерти од земјата и од 12 европски држави. Тие ги споделија своите искуства преку своите презентации, панел дискусии и интеракција со учесниците. Конференцијата ја поддржаа и ја отворија Заменикот на Претседателот на Владата задолжен за економски прашања, г. Фатмир Битиќи, Претседателот на Светската федерација на асоцијации за менаџирање со луѓе г. Боб Мортон и Претседателот на МАЧР г. Дарко Петровски.

Содржината на конференцијата беше збогатена и со HR Expo, на кој се презентираа десетина изложувачи на продукти и услуги од областа на менаџмент и развој на луѓето и исто толку работилници за учење и личен развој. Учесниците на конференцијата која се одвиваше во онлајн формат, уживаа во нејзината содржина и интерактивноста на технолошката платформа и истовремено успеаа да се збогатат со нови информации, знаења и контакти. Со тоа МАЧР ги потврдува своите заложби за придонес во развивањето и промоцијата на професијата менаџмент со човечки ресурси.