Македонската Асоцијација за Човечки Ресурси успешно го спроведе настанот за доделување на HR наградите за 2019 година. Поради условите наметнати од ситуацијата со ковид-19, настанот за прв пат го организиравме во онлајн формат. Петочлената комисија за избор, на настанот кој се одржа на 17ти Ноември, ги додели следните награди во три категории:

-HR менаџер за 2019 година: Наградата ја понесе АнаКостовска од Нептун Македонија.

-Млад HR ентузијаст за 2019 година: Наградата јапонесе Дениз Димовски од Пивара Скопје.

-Најдобра HR практика за 2019 година: Присутните нанастанот ја избраа практиката "А1 Флекси", одговорно Јовица Свилар од А1 Македонија.

Доделувањето на HR награди Македонската Асоцијација за Човечки Ресурси го спроведе по шести пат, во кое за прв пат беа доделени наградите за млад HR ентузијаст и најдобра HR практика. Целта на овие награди е да се препознае , признае, промовира и награди успехот во делот на управувањето со човечките ресурси.

Воедно, на настанот, исто како и во претходните години, најпосетуваниот сајт за барање работа и партнер на МАЧР, Vrabotuvanje.com, ја додели наградата за најпосетуван огласувач на нивната веб страна. Носител на наградата оваа година е компанијата Костал. На сите добитници на наградите би сакале да им ги честитаме наградите и да им посакаме многу понатамошни успеси во доменот на нивната работа.